Backpacker met style!!!!!

Toyota Camry Altise

johrgang 21.11.2006

kilometerstand 33'508 nach eusem Trip: 34'315

extras: wohnwagen, race machine und grosses flagschiff mit vieeeeeel stauraum:-))

die zyte send verbi wo mer in grusige, draeckige backpackers ghuust haend.jetzt semmer met em super neue, luxus schlette onterwaegs gsie!!!!!!!

Nach 2 1/2 taeg ade great ocean road semmer hoet gsond ond monter (au s auto:-) in melbourne itroffe. do semmer jetzt bis am 1. januar 08.

Mer (oder besser gseit d regi) send jetzt weltmeister im uswiche (kangeroo, riese reh, echidna, reptilie) foer voegel braemse mer ned!!! aussie rule!! campe i eusem luxusschlitte ond onbefugtes betreten uf campingplaetz fuer d hygiene!!! :-)) speedshoppe im surfingclothes paradies ond schwizerkamerade am morge am 2 usem apres ski rusch luete...gaell master rutz...;-))))

Machet eu es eignigs bild ond lueget bide pictures!!

Mer woenschet eu allne zaemme e guete rotsch, e guete start ohni katzejammer am noechste morge ;-))

Weder emol nor es paar Ergaenzige…:-))) (Teil 2)

Wet die Woche womer do haend doefe verbringe also aecht ned messe!!!De Gary esch so e Goldschatz!! Wie er zo eus gluegt hed eus Sache erklaert und au wie eus de Raescht vo de Familie behandlet hed sogar Wiehnachtsgschaenkli haemmer oebercho!! Esch onglaublich gsi!! :-))

Frances esch woerklich kei grossi Stadt ond so esches emmer es riese Ereignis gsi, wenn de Gary ond sini Swiss Girls is Pub cho send (send scho Exote gsi ;-)), so idroecklich, dass eus sogar of d Farm gfolgt send ;-))

Zo eusne zwei Bandits….aso ich be de im Bett glaege ond ha gschlofe…onglaublich die beide…:-)

Morn mache mer eus of de Waeg met em Auto entlang de Great Ocean Road rechtig Melbourne wo mer werdet Silvester fiere, dene of Tasmanie oder wies do saeget Tasi:-)))

Wenn i daenke, dass ehr eu de hei s A*** abfrueret ond mer hoet de ganz Nomittag im Pool ghaengt ond gsoennelet haend!!! Ahh, ich mach das glaub jetzt jedes Johr eso!! :-)))

Zyt goht eifach zschnell verbi!!!! (Teil 1)

Leider esch eusi woche doh bi de stefi & em gary scho weder verbi schoen, abentuerlich, familiaer, spannend, interessant, ossergwoehnlich, gfoehrlich ond no velles meh esch es gsie. Ich glaub mer haend doh meh gseh ond erlaebt als wen mer en tour buechet haettet!!!

Interessant esch es emmer gsie, wie z.b. wie eine fascht de riese getraenkeschrank im pub kapot macht. well er sin auto schloessel wot goh abhole:-))) ond den eschs erscht no de gary gsie wo de schloessel deht uhe gruehrt het:-)) ond mer haend en rechtigi auschtralischie wiehnacht met erlaebt ond send sogar beschaenkt worde:-)) oder am morge am 6i goh strosseschelder klaue ond das au no of de hauptstross!!! I saeg jo dstefi het nor flause im kopf!!!!

Ond de letscht tag esch eifach hammer gsie, es esch zom erschte mol rechtig heiss worde. Ond so haemmer de tag demet verbrocht das mer die ganz zyt im pool ghaengt send. So rechtig relaxed:-))

ond was mer soescht no alles erlaebt haend, koennd ehr bi de pictures goh nocheluege!!! vell spass bim aluege..................

Pictures:
Links: stefi am kangaroo road sign abschrube
Rechts: jimmys track haemmer muesse abmontiere! esch e deal zwoesche de stefi ond em jimmy!!!

Hello Stefanie & Gary!!!!!

so kangaroo island haemmer guet oeberstande, trotz buschbrand!!! mer haend gloeck goh, wo mer acho send hets scho noemme braent. mer haend aber all die verkohlte flaechene gseh ond maengisch hets au no raecht verkohlt gschmoeckt. mer haend den erfahre das vo de insle (nor) 10% betroffe gsie esch ond die meischte tier sech haend koenne rette. de buschbrand esch oebrigens doerr en blitz usgloest worde. eigentli eschs ned nor ei buschbrand gsie sondern grad oeppe 15!!!!!!!

doerr de buschbrand haemmer es paar sache ned koenne aluege, aber das esch easy gsie, well euse organisator het sech anderi sache ifalle loh. wie zum biespiel speed boot fahre, laeck esch das cool gsie mer send met 115 km/h oeber die waelle braetteret, da esch so de hammer gsi!!!!:-))))
mer haend au ganz vell tier gseh: koalas, western grey kangaroos, wallabys, little pinguins, black swan, pelikan, possums und no ganz velli feschli und voegel!!!

nachdem mer in adelaide weder i eusem twin room oebernachtet haend:-)) mer haend scho gloeck of eusem trip!!! haend jetzt scho es paar mol sgloeck goh, dass mer doer ergendwelchi ereignis twin rooms oebercho haend ond mer haend nuet muesse foer die zahle:-))) well die waehret tuerrer als die 6er oder 8er share rooms wo mer gmietet haend:-))))anyway!!!

vorgester semmer de witer nach frances travelet zo de stefi ond em gary. dstefi esch au vo de schwiz ond met ehre ben i id oberstufe gange, huui 4 johr ben i met ehre id schuel ond glaubets mer send kei liechti 4 johr gsie!!! sie het nor flause im kopf!!!:-))) dstefi macht im momaent grad ferie bim gary ond so hets sech grad super ergeh das mer jetzt i dene beidene oeber dwiehnachtszit es bsuechhli choend/ doefet abstatte ond das grad foer en woche
esch voll cool vorgester han i scho zom erschte mol koenne metem jeep fahre, links verstoht sech ond am nomi semmer nochli met em vier rad toeff omegfraest:-))))))) gester semmer rechtig fliessig gsie zerscht usschlofe den ab i die naechscht stadt, goh shoepperle ond den hei goh gritibaenze backe:-))) hmm, smells good!!! ond morn choche mer foer de gary typisch schwizerisch; roeschti ond spiegeleier!!! :-)) gester haemmer au no koenne weld laebendi possums streichle:-)))joehh die send so herzig!!! ond hoet mache mer no en tour ine flaedermus hoehli ond goend goh flaedermus beobachte met ehrne jonge:-))) ben scho gspannt!!!!

ben mega froh semmer jetzt doh, de gary esch so en liebe ond of de farm fuehlt mer sech grad wie dhei:-))) ond esch au mol schoen das mer jetzt mol 1 woche am gliche platz bliebet ond mer eignigi zemmer haend wo met niemerem muesch teile:-)))) voll de luxus!!!!!!

Pictures:

links -> dstefi ond dregi bim gritibaenze backe

metti-> rechtige schwizer zopf ond gritibaenze

rechts-> dgary, komme scho no es beld oeber wo er id kamera lachet!:-)

Nor es paar Ergaenzige (Teil 2, Regi)

d Pichu hed jo scho s meiste gschrebe...also of Fraser Island esch wörkli genial gsi!!För all die wos au scho gmacht händ wösset, dass mer zom Teil 50cm ond höcher vom Sitz gompet (voll wetzigi gsi!!!:-) Mini Schwoscht...;-)) pennt doch tatsächlich während dere Fahrt i. Mer händ nömm chöne vor lache!!!

Wie sie vorher gschrebe hed, de semmer zrog of Brisbane gfahre ond i ha sone "wohlriechende Typ" näbemer gha...ha die ganz Zit dänkt wo esch e Orange zom schmöcke ?! Die gänz eim drom ofem Boot wenn all am kiese send, dass ned au no afosch. Ha zom Glöck mis fröschgwäschnige Jäckli gha ond wenn de Typ gschlofe hed, hani a dem chöne schnüffle :-)

Tour rond om de Ayers Rock...naja, ich fende es esch e Stei ond ich cha jetzt wenigstens säge i hanen gseh...e 2 Tagestour hätti au glanget. Was cool gsi esch die velle Shooting Stars (Sternschnuppe) wenn all die Wönsch in Erföllig gönd, hani es glöcklichs 2008 vor mer ;-)))

Da met de Schlange hätt au andersch chöne usecho, zom Glöck hani sone gueti Reaktion ond Sprongchraft gha!!!!;-)

Juhuu, de Malcom esch jetzt grad cho, hed sech mega entscholdiget ond als entschädigung hämmer jetzt en Twin Room!! Esch scho no wetzig id dene Backpackers Hostels gester hämmer e 50 jöhrige Lehrer im Zemmer gha wo gschnarchlet hed, dass d Wänd gwagelet händ!!!Ab em morge am 4 i beni wach gsi!!

Ond eusi Tour of Kangeroo Island chömer au mache, well det heds im Momänt grad e Buschbrand, händ jetzt grad met em Guide telefoniert. Send nor e 4 er Groppe. Be jo mol gspannt....

Händs guet ond falls kei Itrag meh vor Wiehnachte geht: Merry Christmas!!! B-))

weder mol es laebenszeiche!!!!!!!!! (Teil 1)

huuuui lang esch es her sit mim letschte itrag!!! ben die letschti so busy (insider foer all mm- oftrige luet:-) gsie, das i gar noemme zom internet cho ben!!!

naja, no en kommentar zo de regi ehrem itrag, also so ganz onder eus, sie het den scho echli meh als nor nochwehe goh:-))) aber sie het sech a ehrem erschte tag guet gschlage, sie esch eifach extrem bleich gsie. naja naebe minere schoene brune hut, kan sie jo nor bleich usgseh:-)))

wow bayron esch au bim zwoite mol mega hammer maessig gsie, deht woert i grad weder ane goh, gfallt mer eifach mega guet deht. haend den sogar no meterlaebt goh wie schnell dases goht wen sie deh beach closed wells en hai gseh haend!!! voll daction!!!!!

nach bayron semmer weder mol zrog of brisbane ond send den no mini ex- homestay goh bsueche ond deht oebernachte. esch cool gsie, well jetzt wohnets im neue huus met pool. leider semmer so spot acho das mer deh ned no haend koenne usprobiere. aber defoer haemmers grad so breicht das weder mol all kollege bi de homestay gsie send ond so haemmer en gmuetliche obe goh met es paar bier. nach langem verabschede am naechschte morge eschs den witer gange nach harvey bay.

vo deht semmer den witer of eusi tages tour nach fraser island. mer haned sogar no en Zuvorkommende und Hoeffliche ma us de schwiz kaenne glernt. das esch voll de survivor!!! wo mer naemli doer de wald tschomplet send, esch vomene ast en schlange abe ghange ond er esch voll gsechtsvorah i sie inne glofe, aber er eht die situation super gmeischtert ond ehm esch nuet passiert!!! am obe haemmer das den natuerli au no muesse metemene cocktail jug verarbeite:-))) fraser esch eifach genial gsie die straend ond die lakes eifach traumhaft. send au nor einisch met eusem lastwage aehnliche gfaehrt stecke blobbe, das esch en mega leischtig!!! het sech also woerkli mega glohnt das mer of fraser send ond sfranzel ond slisi haend sech au no gfonde:-))) (sorry, esch en insider!!)

nach dem tages trip semmer den weder zrog of harvey bay ond am naechschte tag eschs den weder zrog nach brisbane gange. leider esch es dasmol en katastrophali fahrt gsie!!! ich ben 2 std naebe einere ghocket wo mega nach rauch gmeget het ond dregi hets au naebe so en gruesel breicht. waehhhhhh!!!!!! zom gloeck haemmer nach 2 std dsetzplaetz koenne waechsle ond send die raeschtliche 7 std naebenand ghocket ond mer send mega happy gsie wo mer aendli in brisbane acho send!!!!

den han i au aendli mol de zyt goh zom de regi brisbane zeige, well vorher ben i gar nie dezu cho. schliesslech het sie die hammer stadt au no muehse gseh!!! ond so haemmer de ganz tag demet verbrocht das mer in brisbane ome glofe send ond de abschloss am obe esch den svictorys ond wie koennts au anderscht sie down under bar gsie:-)))

am morge frueh eschs den weder witer gange nach alice springs. ond jo es esch mega heiss gsie, aber mer het sech schnell dra gwoehnt. nachdem mer euses hostel bezoge haend, semmer goh alice erkondschafte. das beduetet schnell nach alice voere laufe in woolworths ond in coles ond den so schnell wie moeglich weder zrog i euses hostel. alice springs waer jo scho schoen zom aluege, aber die ganz stadt wemmlet vo aborigines. ond leider send das die wo gfalle gfonde haend am alk ond so. ond so hets doch es paar velli komischi gstalte goh ond eus eschs langsam echli onheimlich worde. het au ned grad zom bessere bitreit das euses hostel vorem igang es grosses ise tor goh het met spetzige pfile obe drof, dass ned kasch droebert klattere. ond wens der den no saegt, ide nacht doerfsch ned allei in alice omelaufe well das zvell zgfoehrlich esch...hmmm jo den!!!!! mer haend den no en schwizer kaenne glernt wo eus gseit het es saeg ned so schlemm ond er saeg au ide nacht allei hei glofe, aber das wo i am tag gseh han het mer glanget.

am naechschte tag het den eusi tages reis zom uluru ond so agfange. mann zerscht semmer 6 oder 7 std deht ane gfahre. aber das het sech glohnt. zerscht semmer zom kata tjuta den semmer no goh wandere ond haend au en mega schoeni ussecht goh. ond den semmer goh den sunset bim uluru luege. esch scho mega interessant gsie wie de stei vo rot zo violet schwarz gwaechselt het. zwar wen i ehrli ben han i das gar ned so met oebercho well die ander site wo de sonneontergang gsie esch, het mi vell meh interessiert. ond es send mega vell touris deht gsie ond all haned mega of de stei gluegt. also han i die zyt meh verbrocht met fotografiere ond zwar: de sonnerontergang, die velle tourischte, fuess abdrock im sand, saelbscht usloeser met de regi , ond es bier trenke ond jo han doch au no es beld vom uluru gmacht. ond den semmer i euses camp gfahre ond haend onter freiem hemmel gschlofe, das esch idroecklich gsie. am naechschte tag semmer den scho am 4.00am am morge ufgstande zom de sonneufgang goh aluege am uluru. ond den semmer no om de ganz stei omeglofe wer jo scho interrssant gsie aber gaeg de schloss hets den au no afo raegne, naja. den semmer witer gfahre zom cultur zentrum ond den zom kings canyon ond haend weder onter freiem hemmel gschlofet. am morge semmer den weder am 4.00am uf ond wo mer zwoi offem waeg zom wc gsie send esch eus den au no en schlange begaegnet, zom gloeck esch sie id rechtig vo de regi gange ond het sie (fascht) versuechts bisse. adere stell erwehn i no das nor en baby schlange gsie esch ond i mech halbe ztodgroellet han well de regi us schreck en riese gomp gnoh het!!!!:-))) han den spoeter i eusem (verhaengte) tourguide brechtet das eus am morge en schlange oeber de waeg glofe esch ond er het nor gfonde ehrli jetzt?! jo eh, dregi nehmt ned us soescht so en riese gomp:-))) nachher semmer no goh de kings canyon goh beklaettere, de afang esch scho raecht steil gsie. aber nachher eschs guet gange ond mer haend en mega schoeni ussecht goh. ond im garden of eden semmer den goh en swim neh, wow esch das wohltuend gsie!!! ond den eschs weder zrog nach alice gange. das send abentuerlichi taeg gsie, fascht kei schlof, vell wandere ond laufe, verosse schlofe, giftige schlange uswiche ond om saesse kaempfe!!! haend ebe echli en verfraesseni groppe goh ond so hesch muesse luege das oeberhaupt oeppis oeber cho hesch -> ohni scheiss!!! am zwoite tag ben i naemli fascht vom irlaender ober de huffe graennt worde well er als erschte en burger het welle. esch meh en raubtier fuetterig gsie als soescht oeppis!!!!!!! onglaublich aber wohr!!

so ond hoet semmer in adelaide acho ond wo mer euses hostel haend welle bezieh, haemmer muesse festelle, dass ade reception gar niemmert esch ond toere bschlosse gsie esch. toll!!! som gloeck esch de herr vom gschaeft naebedra so froendlich gsie ond het foer eus ome telifoniert ond so haemmer s passwortt zo de toer becho ond free internet, juhee!!! ond jetzt warte mer doh im pc room of de reception typ namens malcom ond den gohts witer..........................

Welcome Pakistani :-)) alias Regi

Sali zaemme! So das waer mi erste Itrag of dere Homepage :-) Be also guet acho, d Fluegerei samt em omstiege esch ohni Problem verlofe. S einzige Problem esch s Zoeri am Floghafe gsi, wo de am Check in Schalter seit oepis met ehrem Visum stemmt ned. Hanem de alli Onterlage zeigt ond de heder usegfonde, das bi mer als Nationalitaet Pakistani igeh esch...;-) naja, ha de doch na als Schwizerboergi doefe abfluege ond mis Empfangskomitte esch z Brisbane au scho parat gstande, nomol herzliche Dank!!! :-) D haemer euses Backpacker Hotel bezoge, duschet ond de eschs ab i Usgang...very interesting gsi...;-) Ond es bitzeli Nochwehe hani am noechste Tag au gha...am zwoite Tag semer witer of Surfers Paradise, dene of Nimbim (das esch sones Hippie Dorf wo so guet wi all am kiffe ond Guetzli am iwerfe send) ond jetzt semmer z Bayron Bay hoet semmer de ganz Tag am Strand gsi, gsoennelt ond eifach s laebe gnosse :-)

New Pictures!!!!!

So aendli eschs sowit, i han dfoeteli vom november ufeglade!!!!!!

so han jetzt min zemmergenoss kaenne glernt. esch en englaender ond schint ganz easy zie. gester wo i am 8pm nomol korz zrog zom zemmer ben, esch er scho am penne gsie. han den daenkt, esch fritig obe ond deh esch scho am penne?!? aber er het mer den hoet morge erklaert, er esch gester so bsoffe gsie, dass er scho het muesse goh lege:-))) das kan jo heiter werde met dem:-))) sowit waer eigentli alles tip top, aber met mim paech muss jo no oeppis sie. das han i den au usegfonde, wo i gester zrog zom zemmer ben. ich mache toere uf ond den chonnd mer vellecht es gruesch entgaege!!!! onglaublech wie de schnarchelt!!!! naja, er het wenigschtens ordnig ond het sech hoet morge au foers schnarchle entscholdigt. er esch au demet iverstande, dass wen i gar ned kan i schlofe, dass i ehm mis koessi doerf an kopf knalle:-)))))

gester esch au super gsie. i ben zom erschte mol ide nacht ide valley gsie ond gseh grad en mega verhaftig. has natuerli ned koenne sie loh ond ha es paar fotos muesse mache ond echli zueluege. well, doh in australie chonnd dpolizei zvierte hoech of dech zue saeckle, packt die ond knallt die voll of de bode ond den redets mol met der!! vo dem her eschs emmer interessant zom zueluege:-))) ben den au no suskonfts buero gsie. all wo doerre glofe send haend mi gfrogt was passiert esch ond haend den met mer zuegluegt. am schloss semmer es chlieses groeppli gsie vo zuschauer, dass esch no cool gsie:-))

gester het ebe no en kolleg vo minere homestay en uftrett inere bar goh. a mim allerschte sonntig, ben i deh scho met minere homestay ide southbanks goh lose, wo er en uftrett goh het. er het sech den au mega gfreut, dass i dasmol weder cho ben. ond so han i nomol die ganze kollege vo minere homestay gseh. das esch cool gsie, so han i nomol met allne koenne es bier neh ond mech no rechtig verabschede. esch scho en mega gueti zyt gsie met all denne, die werd i scho raecht vermesse. schliesslech eschs normal gsie, dass wen i vo de schuel hei cho ben, esch ergend oepper vo denne bi eus zbsuech gsie:-)))

back in brizzie!!!!

so ond i ben weder zrog im schoene brisbane. han fascht echli heimat gfuehl goh, wo i weder id stadt ine gfahre ben;-))) leider het mech glaubs mini neu heimat ned so gern, han leider jetzt emmer echli paech goh met mine unterkoenft!! het eigentli au zo minere homestay koenne, aber well i eh meh of de leutsch ben, han i gfonde nehm i gschieder en unterkonft ide stadt.

am mittwoch so gaeg de mettag ben i acho, zo mim erstunde han i grad of mis zemmer doerfe. well soescht muesch emmer bis am 1pm oder so warte. ok , also i mega happy das i scho mis zemmer han ond gohs natuerli grad goh aluege. han scho daenkt wo i ide room inne glofe ben, dass deht gar keis bett frei esch. hmm....???? aber es send no 3luet am schlofe gsie. also roecksichtsvoll wie i ben ,han i mini sache nor anegstellt ond ben grad weder gange. am obe wo i den retour cho ben, send den au 2 girls im room gsie, han den gfrogt welles bett mer esch. sie het den nor gmeint, doh esch gar keis bett meh frei! aha jo???? also ab zo de reception, dem typ die ganz sach erklaert. er het mech nor agluegt ond gfonde, mann esch die demlech oder was, es esch eh eis frei. i han oebbe sgliche oder no vell schlemmer vo ehm daenkt ond ehm gseit, er soell jetzt gfaelligscht nomol im pc noche luege, was er den au wederwellig gmacht het. ond siehe da...!!!! ben noemme offem level 3 gsie sondern im level 2 ond en neue room!!!! han ehn den nor agluegt han mini augebraue hoch zoge ond han metemene arrogante laechle gfonde, aha!!! send also doch all bsetzt gsie!!! er het den no es knapps jo usebrocht.
ben rechtig froh gsie das i en andere room oebercho han, well i ben die erst idem room gsie. im andere room ben i jo die 9ti person gsie ond deht esch alles voll oeberstellt gsie. gaeg de obe send den au no en koreaneri, japaneri ond 2 taiwanesienne cho. die send voll easy gsie ond so haemmer es schoens fraue zemmer goh.

am obe ben i den no mini homestay goh bsueche. das esch so es guets gfuehl gsie, han mi rechtig wohl gfuehlt.mer haend den fein znacht gaesse ond haend de ganz obe zaemme gredet. ah esch so rechtig gmuetlech gsie.

de naechscht morge, han i den demet verbrocht das i vo de einte unterkonft in en anderi waechsle. die liegt jetzt ebe meh central. ond deht han mer den de luxus goend vomene 4er share room. han min room aber erscht am nomi koenne bezieh, also ben i nochli ide stadt omeghuenert. ond den no metem mike goh en kamera poschte. mer send imene media markt aendliche lade gsie ond den esch mer weder klar worde wie schoen is eigentli ha, dass i ned muess schaffe:-))))

nachdem das erledigt gsie esch ben i den anedli goh min room bezieh. wer gschieder ned gange!!! wo i toere ufgmacht han, han i nor daenkt aha manne wohnet doh. mann ey, voll kei ordnig haends goh oeberall send kleider, schuh, zitige ond leeri getraenke dose omeglaege. ond alles esch oeberstellt gsie. na toll, ok i han daenkt wartisch mol ab. den esch au grad eine vo denne inne cho, er het saelber igseh das de room voellig oeberstellt esch. han ehm den gseit, i woell au no min platz soell echli ufrume!!! er het mi den nor metemene bleck agluegt, oh nei jetzt haemmer en frau im room. hmmm............

ond well i met de semra zom znacht abgmacht han, ben i den au gange. met de semra ben i in bayron im gliche room gsie ond zufaelliger wies haemmer eus im bus vo surfers nach brisbane weder troffe:-) aschluessend as znachtaesse semmer den no ad pub tour vo de school. well adem obe esch au dandrea weder ide stadt gsie ond au ad pub tour gange, yeah!!! also hets grad es schwizer traeffe geh:-)))
dsemra ond i send den no bis am morge frueh ide stadt omezoge, bis mer den mol zrog in backpacker send. ben den nochli ide lobby blobbe ond han metere duetsche die bsoffne beobachtet wo verzwiefelt versuecht haend digangstoere ufzmache:-)) esch sehr amuesant gsie:-))) eine esch no sauer gsie well er ned het koenne telifoniere. ond es esch ned am telifon glaege sondern a sim zustand.also het er eifach oeppis welle kapot schloh, het den glaubs au oeppis zemme gschlage. dsecuritys send den seckle cho ond de vo de reception esch ergend oeppis am omeschreie gsie:-))) voll daction!!!!!!

ond den ben au i mol zrog i min hammer room, es esch den au keis 4er zemmer meh gsie sondern es 6er!!! jo ok....., aber verdammt alles esch oeberstellt gsie, no schlemmer als es am nomi scho gsie esch!!! ben fascht noemme zo mine sache cho. het mi grad mega gnervt!!! ben den hoet morge goh saege, dass i wot waechsle!! ond de vo de reception het mi nor nach de zemmer nr gfrogt ond wo i die gseit han. het er nor gmeint ah jo, das zemmer heb er au scho gseh, er woerti au waechsle wen er deht moessti laebe!?!?! hey hallo, du arsch hesch mer das zemmer jo geh!!!!!!!!!!!!!!!! naja er het sech den mueh gnoh ond het aextra donterlage foere gnoh, zom luege dass i jetzt es guets zemmer han. jetzt ben i weder imene 4er zemmer. momentan esch nor ei typ, wo i nonig gseh han ond i denne. ond onglaublich de typ het ordnig, ja!!!!

bye bayron, hello surfers.....!!!!!!!

ah die letschte 4 taeg in bayron send genial gsie. am morge lang usschlofe ond am tag easy relaxe. am obe semmer gmuetlech verosse ghocket ond natuerli es paar bierli tronke ond so:-). spoeter semmer den amigs no id town ond den esch party witer gange:-))) het sogar luet geh wo id gebuesch gfloge send, bim hei laufe.ond nei!!! das ben den ned i gsie, aber i han foeteli gmacht:-)) am naechschte tag weder usschlofe ond weder de glich tagesablauf:-)))
naja, vellecht au besser das i witer zoge ben, soescht woert i deht glaubs no ewigs fescht hange. so gohts naemli de meischte wo deht send. sie waend foer 3 taeg deht ane ond bliebet am schloss 3 woche ond laenger:-))

doerr dass das i die ganz zyt usgschlofe han ond mech nie han muesse wecke, han i fascht no min bus verpasst!!!

han naemli nor mini armband uhr omgstellt ond mis natel han i voll vergaesse. den cairns het kei summerzyt ond bayron ebe scho!! mann scheisse ben doch en std hende dri gsie. de bus esch am 10.30 gange ond i stoh am 10.20 uf, f***!!!!!!! i ben nor no us mim bett gompet ond han mini sache in rucksack gschmesse abgraennt zo de reception zom check-out ond zwar so schnell wie no nie:-) id stadt graennt, offem waeg han i gmerkt das dass niemols laenget, also han i es taxi aghaltet ond ben id stadt chauffiert worde. puhhh... grad no mis gebaeck in ahaehnger gruehrt ond den eschs au scho los gange:-))) gloeck muess mer hoh!!!!!

nach 1 1/2std fahrt ben i den in surfers acho ond leider au met 1000ige vo de schoolies people. schoolies send 16- 18 jaehrigi wo grad ehri schuel pruefige doerre haend ond den met em college afoend. ond zo ehrem schuelaendi haends jetzt 3 woche lang party. hoffe min erklaerigs versuech esch rechtig, aber esch jo eigentli glich. den fakt esch die kids nervet, sie send luut ond scho mega frueh bsoffe ond so met verko.... au alles,ihhh!!! wer mer jo alles no glich, aber waeg dene bloede kids send hostel priese gstege!! ond das om 10.- , verdammt!!! zom gloeck han jetzt no en unterkonft gfonde, wo ned ganz so hoch esch met em pris, yeah!!!

gester ben i ebe no imene andere hostel gsie, zom gloeck han i 2 cooli englaender im zemmer goh. die haend naemli am obe die genial idee goh-> es kondom met wasser zfoelle ond den schoolie kids abschuesse!!! ond zo minere frued haemmer den au 3 type troffe.JAAAAA!!!! ben no erstunt gsie, die send no raecht nass worde:-)))

leider esch surfers jetzt voll met de schoolies, aber zom gloeck send jo au no dsabi ond dleona doh. den haemmer of all faell euses eigene faescht............!!!!!! :-)

pictures: links- wiehnachts deko in bayron:-) rechts- schollies ond police in surfers

yeah...bayron bay!!!!

so gester han i am 4.00am scho muesse am flughafe sie ond den eschs los gange met minere reis nach bayron bay.

esch schoen fies gsie, han grad us mim zemmer welle ond den send die 3 irlaender ,wo im gliche room gsie send wie ich, vom usgang hei cho. natuerli storz betronke ond haend mer vorgschwaermt wie ehre usgang gsie esch:-)) hmm.. danke ond i verzechte of min schlof ond muess luege das i mis flugi ned verpasse!!!

nach langer verabschedig ond schoeni reis woensche, hets den aendli koenne witer goh. han no en korze zwoesche stopp in brizzie igleit ond den eschs witer gange met em bus of bayron. todmued in bayron acho ond aendli mis zemmer bezoge, das teil i jetzt met 2 englaenderinne ond 2 finnlaenderinne, han i den au welle en duschi neh!!! jep, ond wie koennts au besseer sie! grad wo i onterm wasser stoh chond au scho kei wasser meh!! jo super, danke vell mol, also weder zrog zor reception ond das goh maelde. domm nor das die findet: ah tscholdigong in letschter zyt passiert das oefters, i muess echli warte ond den konnd weder wasser!! i heb jo no gloeck i saeg ned voll shampoo ond so!!! hmmm.....................

also ben den mol goh bayron uskondschafte ond es esch mega schoen doh. es esch alles so fredlech ond gmuetlech, esch halt doch es hippie dorf:-))) han den wenigschtens au no en schoene sonneontergang gseh, emmer hie!!! ond wo i weder retour zo mim hostel ben, hets den au weder wasser goh!!!

mini zemmergenossinne haend mer den erklaert das mer am obe down stairs goht ond no eis oder zwoi oder so trenkt. also no korz zrog id stadt zom bottle shop ond den hets au koenne los goh:-))) han den muesse erfahre das am 11.00pm nachtruh esch ond zom witer faeschte id stadt muesch oder an beach. ond well mis hostel grad am beach esch, esch jo klar das i mi foer de beach entschede han. zom gloeck haend es paar canadier no es fuer gmacht ond so han i min erschte obe in bayron fredlech amene "lager" fuer verbrocht ond echli of english philosophiert:-))

im tropischen paradies oder doch nicht????

so vor 5 taeg semmer bim cape tribulation gsie, dass esch noerdlich vo cairns ond deht esch de einzig raegewald wo bis zom strand goht!! im ganze semmer 3 taeg deht blobbe, eigentli koenntisch woerkli saege: "i ben im tropische paradies acho!" aber nachdem i 40min ganz allei ofere onterrte stross glofe ben, dass i zom naechschte supermarkt cho ben. saeg ich jetzt ehner: "i ben am arsch vo de waelt acho!!!" cape tribulation esch jo woerkli mega schoen, aber euses hostel esch raecht abglaege gsie ond ned grad schoen. am letschte obe haemmer sogar en ratte im zemmer goh!!! zom gloeck hets no 2 duetschi goh wo eus den gholfe haend:-) ond sbeschte esch vorallem gsie, dass wen ide nacht ofs wc hesch muesse. hesch us dim huesli usse muesse ond hesch ca. 2min zom wc muesse laufe. das woert jo no goh aber mer send jo voll im raegewald gsie ond das beduetet es scheffet natuerli voll ide nacht ond den muesch no slalom laufe om all die froesch wo deht omehoepfet!!!

zom gloeck haemmers met eusere tour super breicht. eusi tour leiteri esch mega drus cho ond het eus vell koenne verzelle ond zeige. interessant esch aber gsie wo mer quer doer de raegewald glofe send ond es tier am aluege gsie send. das den en andere tourischt schoen a eus doerre lauft ond eine fahre loht!!! hmm... fein:-))) dselina het ehn so entsetzt agluegt, dass es ehm den doch echli peinlich gsie esch ond sech entscholdigt het:-)))

nachdem mer quer doer de raegewald met forzende tourischte glofe send, eschs den witer gange met ehre floss fahrt wo mer nach krokodil us schau ghalte haend. ond mer haend sogar au eis gseh, allerdings nor es chlises aber defoer es ganz herzigs:-)))

am zwoite obe haemmer den no en nachtwalk met gmacht. esch scho es komischs gfuehl wen eifach so im donkle raegewald stohsch ond all die gruesch om dech ome ghoersch. vorallem wen so wie ich meischtens zhenderscht stohsch -> onfreiwellig!!!! ben mega froh haemmer de nachtwalk gmacht de esch cool gsie, mer haend lizards gseh, froesch, insekte (spinne ond 10 cm grossi heugoemper) ond flaedermues. ond esch voll loschtig gsie eifach nor metere taschelampe bewaffnet quer doer de raegewald doerrre:-))

am naechschte tag semmer den no exotischi froecht goh probiere. das esch mega guet gsie,mer send deht of ne farm gange. den het die leiteri der zerscht mol die froecht zeigt ond den het sie eini nach de andere erklaert. ond danach zubreite so dass mer sie haend koenne aesse. hmm...vorallem eschs laessig gsie well deht hets alles froecht goh wo i vorher no nie gseh oder ghoert han. ond sie send mega guet gsie:-)) ond den eschs au scho weder zrog rechtig cairns gange.

onterwaeges hets den no en oeberraschig geh!! bimene andere hostel wo mer luet ufglaese haend, esch of einisch dandrea om de egge zraenne cho:-)) so geil trefft mer sech im raegewald weder:-)) well dandrea & denise haend die glich tour gmacht aber eifach nor 1 tag ond somet sends met eus heigfahre. mer send sogar im gliche hostel in carins gsie ond ned nor die beide. nei es esch no witer gange mer haend de jojo, eva ond danna (sie send met eus of de whitsundays gsie) au no idem hostel atroffe:-)) das de jojo in cairns esch haemmer jo gwoesst, aber das eva ond anna au no doh send het eus den grad oeberrascht. ond wos eus no metteilt haend das dameli, eusi schwedin, au no in cairns esch. esch klar gsie das mer dass grad moend goh fiere bis spot in morge:-)) ond dasmol esch ned de jaegermeischter (jaeger bombs heisset die doh) gflosse, sondern ei cowboy nachem andere:-))) ond zo dem ganze meeting day ane, esch mer am obe au no en schwizer oeber de waeg glofe ond deh esch sogar vo wettige:-)))

de letsch tag vo de selina esch au sehr interessant gsie.-> vorallem wen mer adem tag wo mer wot abfluege gar kei pass het well de no im greyhound fundbuero in cairns esch:-)) ond vorallem wen mer den bim greyhound buero verbi goht ond die de pass gar ned haend!!! <- defoer semmer den met ehre greyhound agstellti ond ehrem privat auto quer doer cairns chauffiert worde, zom goh luege oeb de pass imene andere fundbuero esch. man sehe und staune deht esch ehr den au gsie!!! so geil wot au mol so vell gloeck hoh:-)))

tja ond jetzt huenert dselina ergend oeppis in darwin ome ond goht den witer nach alice springs. ond i ben jetzt nochli in cairns blobbe ond fluege hoet ide nacht rechtig bayron bay:-))) yeah... aendli weder mol echli sonne, well doh in cairns hetts fascht nor graegnet.

gester ben i no met de skyrail rechtig kuranda gange. deht gohsch met gondle oeber de ganz raegewald ine. esch mega schoen gsie zom luege ond hesch en schoeni panorama ussecht. aber kuranda esch den noemme so spannend gsie, het eifach ei souvenir shop nach em andere ond soescht kasch echli im raegewald goh laufe. ond hei fahrsch den weder metemene zog.

vo links: eva, anna, selina, ameli ond jojo

normale backpacker tag

han oebrigens no im letschte itrag zvergaesse erwaehne, mer send im fall bis zo 12m tuef goh tauche!!! ah, so schoen......

hoet han i min ganze tag offenem scheff verbrocht, esch allerdings ned so de hammer gsie. vorallem het sech dselina hoet ned so wohl gfuehlt ond esch im backpacker blobbe. han zerscht au no oeberleit oeb i soell bi ehre bliebe, wells mega graegnet het. aber foer hoet esch de reef trip (snorkel) planet gsie ond well mer das jo zahlt haend ben i gange. aber smeer esch so unruhig gsie, besch fascht ned vom flaeck cho. han zwar scho fesche ond so gseh, aber bi de whitsundays eschs tusig mol besser gsie!!!

so han grad gseh, dass i scho weder kei zyt meh han. muess jetzt naemli weder of de bus wo mech zo mim backpacker brengt. mer send ebe ned so im zentrum dhei:-(( de bus chaffeur esch sogar en jonge duetsche:-) leider het er mer das erscht am schloss vo de bus fahrt verzellt, er het gfonde i soell ruhig echli english rede!!! so fies:-)))

so goh jetzt goh znacht koche, hoet gehts nudle met tomate sauce -> rechtige travler food:-)))

DE OBERHAMMER!!! :-)

so mini reise het scho agfange ond dselina ond i haend scho en teil vo eusere planig gaendert:-))) zom gloeck send die aussies so easy!! puhh!! mer haned nor muesse de greyhound bus verschiebe, doebernachtig in cairns aendere ond euse snorkel trip verschiebe. ond am samstig obe im vollusbuechte airlie beach en oebernachtig fende. haemmer au ond zwar es volls luxus zemmer met eusem eigene balkon:-)))yeah!!! het sech glohnt, denn mer send am samstig obe no met eusere boots troppe in usgang. het sech of all faell glohnt wenn i an all die loschtige fotos ond videos daenke:-))) esch sehr interessant gsie!!!! (gaell selina, wotsch no en jaegermeister:-)

so jetzt aber zom wechtige!! mer haend jo jetzt euse 3 tages sailing trip zo de wihtsundays island hender eus ond es esch eifach de oberhammer gsie!!!:-))) swaetter het gstomme, mer haend en gueti crew gah ond eusi reisegroppe esch eifach super gsie. mer send ned eifach nor 3 taeg im zueg ome gschefferlet sondern mer send goh bushwalke, kajak fahre, snorkel, diving ond relaxing im jacuzzi:-)))

am erschte tag semmer grad goh bushwalke ond nachher an beach. adem tag han i au zom erschte mol muesse en neopren-azug alege. mann die azoeg send jo voll muehsam, aber wen ehn aendli mol ah hesch, denn esch ok. am zwoite tag semmer den goh kajake, zom gloeck ben i met em jojo imene boot gsie, soescht woert i glaubs jetzt no oeppis im zuegs ome paddle:-))) zerscht wer i jo d'stuerfrau gsie aber well i das voll ned im griff goh han, haemmer den plaetz tuschet. jo muess scho saege so eschs vell besser gange:-)) das esch so schoen gsie, mer haend raecht vell grossi turtles gseh. ond send emmer echli zwoesche de moraene omepadllet.
am nomitag eschs den los gange -> i han min erschte tauch gang goh. het jo nie daenkt dass i das kan, aber es esch eigentli raecht easy gsie. ond das reef esch so de hammer gsie, all die fish ond koralle ond so, WOW!!! dselina ond mer hets so guet gfalle den semmer grad de ganz nomi deht blobbe ond haend nochli gschnorchelt. deht eschs mer den au mol glonge das i en fish han koenne alange:-))) ond i han en baby hai gseh, en ganz herzige kline:-)))
am obe semmer den innere bocht gsie, wo mer au am naechschte tag no die andere tauchgaeng gmacht haend. ond waehrendesse crew es bbq vorbereitet het, haemmer koenne delfine beobachte ond soeschtigi grossi fish wo om euses sailingboot gschwomme send. ond natuerli semmer den nochli im jacuzzi goh relaxe, nach somene astraegende tag:-))))
am 3tag haemmer den no 2 tauchgaeng gmacht, dasmol esch swasser ned ganz so klar gsie defoer hets adere bocht vell meh fish goh. wow, die erlaebniss werd i wohl nie meh vergaesse, die onterwasserwaelt esch so idroecklich, eifach mega schoen!!!

ond am obe semmer den ebe no goh party mache ond hoet haemmer no en ganze tag in airlie beach:-)) zerscht haemmer natuerli mol fein zmoergelet send echli goh sdoerfli aluege ond nachher goemmer no ad lagoone goh bade ond soennele:-)) ond am obe haemmer den de nacht bus foer of cairns.

Picture-> on the left site selina and i'm on the right

jetzt gohts LOS...!!!!

so hoet am 13.25 flueg i ab met jet star rechtig airlie baech!!! das muess eine vo de schoenschte straend in australie sie, leider raegnets hoet!!! hoffe jo schwer, dass die deht obe schoens waetter haend wen i achomme:-))

mis rucksaeckli (nei zwar vom gwecht her -> min rucksack!) esch packt ond i ben start bereit. de reuben het mer hoet aextra no es aussi brekkie (breakfast) gmacht. hmm... han toast brot goh met bacon ond egg ond er het so wie es sandwich drus gmacht. esch mega fein gsie, i luegs aber meh als brunch ah als es brekkie. jetzt semmer nochli am tv luege ond so gaeg die 10ni gohts den los:-))

ben scho mega ufgregt ond vorallem nervoes!! (andrea, jetzt weiss i wies der gange esch!!!) ben scho mega froh wen i den dselina in airlie beach treffe:-)) ond morn gohts den witer met eusem sailing trip of dwhitsundays.

Fertig met de Schuel!!!

So am fritig esch sowit gsie, nun ben i offiziel fertig met de schuel, yeah!! ond mis reise kan afo!!!

am Fritig obe han i ond dsabrina es bbq organisiert, besser gseit dsabrina het alles gmacht ond de tom & mike send kochi chefs gsie:-)) han wenigschtens bim poschte gholfe... no es dankeschoen a euch 3!!! am samstig semmer den no goh bowle ond emmerhie i ben 2te worde!! naja mer send au nor es 3er groeppli gsie:-))ond danach semmer natuerli no bis i die fruehe morgestonde goh faeschte:-))))

am sonntig esch mer den leider no es messgscheck passiert. i han die schoene bluete (beld raechts) welle goh fotografiere, has jo au gmacht. aber wo i zwoesche denne baeum omeglofe ben ond han welle mini belder mache. han i mer leider min fuess vertrampet!!! aua....!!! jetzt, han i en gschwollnige knoechel, laufe kan i aber staege laufe esch echli muesam!!!

zom gloeck vo i erscht am mittwoch a reise, so kan i ehn jetzt nochli uskuriere:-) i daenke bis den esch das au weder guet. hans jo den ned so straeng, zerscht flueg i of airlie beach,den mache mer en sailing trip zo de whitsunday islands ond den gohts witer of cairns ond den no cape tribulation. also vo dem her kan i secher echli relaxe:-)) emmerhie muess i ned schaffe, sorry het au mol muesse gseit sie:-)))) oebrigens wen mer grad debi send, esch euch das klar, i han jetzt 2 monet ferie. nuet mache nor echli omereise, soennele, relaxe ond faeschte!!!! *big smile*

-->han den no neui fotos ufeglade!!!

News & New Pictures

So han weder mol es paar beldli ufeglade, vell spass bim aluege!!!

mini erfolgs gschecht, sit ich i minere neue wohnig ben:
(mini wohnig esch ebe im erdgschoss)

- grossi Kakerlake killed III
- Spinne killed II
- Gekos verschuecht IIII
- Moskitos & Fluege IIIIIIIIIIIIIIIIIIIIIIIIIIIIIIII ond no vell meh:-)) shit fiecher!!! han oeberall mozzie stech,aua!
- opossum entdeckt I ond natuerli fotografiert ond vor de maeggi grettet, die hets welle kille!

!!! Mord waffe esch min sneaker !!!

hetti eigentli no meh spinne killed, aber bi de ganz grosse schwarze han i mi ned getraut. ehr koennt euch das gar ned vorstelle, aber die send mega schnell. bim erschte mol ben i mega verschrocke wo die los gsecklet esch, ihhhh...!!! naja, i hoffe jetzt das gekos mini arbet oebernaehmet ond die grusige denger killed!!! ha ha ha:-))

Zyt lauft......

so ond scho esch weder en woche vorbi!!! hoet het mini letscht woche in langports agfange! laeck jetzt send scho fascht 2 moenet verbi, zyt lauft ond lauft.......

am fritig send scho weder raecht vell gange vo mine luet. weder mol es paar us minere klass ond den au no djessica ond dleona. djessica esch weder zrog id schwiz, besser gseit of davos!! hey medel i hoffe du hesch ned grad en chaelte schock:-)))) ond dleona het of surfers paradiese gwaechselt, a die ander langports schuel.

am donnschtig obe ben i no ade pub tour vo de schuel gsie ond das mol eschs en lange obe worde met vell alk!! :-)) darom ben i rechtig froh das denise ond i am fritig en gmuetliche kino obe gmacht haend.hmm... ben rechtig stolz of mech, han fascht alles verstande:-))) mer send goh michel clayton luege, dass esch de felm met em george clooney. de esch woerkli guet, kann ehn euch nor empfaehle!!!

am samstig ben i den zom erschte mol of milton, deht stoht en kline eifel torm allerdings esch onter dem trom es italiaenischs restaurant:-)) deht eschs mega gmuetlich, het vell cafis ond bars ond esch ruhiger als ide stadt. rechtig schoen zom relaxe ond eifach sie.....!!!!:-))

ond am sonntig haend denise ond i de lang waeg foer of surfers paradiese in kauf gnoh. "lang waeg" us dem grond, well of halber strecki doend die dgleis repariere. also das heisst -> serscht nehmsch de train den muesch umstiege of de bus ond den weder of de train ond den muesch no de bus of surfers naeh!?! hmm....welcome in australia!!!
zerscht semmer of de Q1, dass esch sgroeschte gebaeude vo surfers ond vo deht hesch en usbleck oeber ganz surfers. nachher haemmer natuerli no muesse of shopping tour, uhi.. doh esch au weder gaeld gflosse:-)) ond den semmer no zom beach goh relaxe ond is meer goh abkuehle.
ond zo mim gloeck, grad wo i dhei acho ben hets mega afo raegne ond zo mim erstune hets die ganz nacht doerre graegnet!!! besser gseit es het rechtig gwetteret, blitze duets doh jo soescht scho vell, aber dass es eso donnert het, het mi scho grad oeberrascht. naja, aber i daenke ab morn haemmer scho weder schoens ond heisses waetter!!!

More News

han i gester no ganz vergaesse zschriebe.

yeah, i komme mini eigeni wohnig oeber:-))) han zwar kei kochi aber defoer en pc room, living / slepping room ond mis eigene badzemmer:-))) well, onter eusem komische huus hets no en chlini wohnig. eigentli hetti die woche en australier soelle cho, wo deht het welle laebe foer es paar taeg. aber well deh ned uftaucht esch, kom i jetzt die wohnig oeber!!:-)) ond hoet obe due i zoegle:-))) i mach den en ihweigisparty, i hoffe er erschienet zahlrich!! schlisslech esch australie ned so wit weg vo de schwiz!!!:-)))

ah jo, ond i ben en ganzi woche schwarz bus gfahre:-))) han vergaesse mis bus ticket zverlaengere. somet ben i jetzt ide morge in bus igstege ond han im busfahrer mis ticket zeigt. zom gloeck het de ned bemerkt das es abglofe gsie esch:-)) puhh.... wenigschtens han i echli gaeld gspart.

so mini reading class voht jetzt ah, bis den!!

News, News, News

Am letschte fritig send weder raecht vell studaente vo langports gange. leider send au vell vo minere klass debi gsie, gester semmer nor no 10ni ide klass gsie oder sogar weniger, aber hoet send scho weder 3 neui cho.

ond leider esch adem fritig au dandrea gange:-(( defoer esch sie jetzt scho in perth ond gnuesst ehri ferie ond nachher goht sie met de denise goh reise.
doh kan i nor eis dezu saege: "hey andrea du zwaetschge! i woensch der en ganz schoeni zyt in perth ond loh dfenger vom pure blond, soescht chonnts naemli ned guet:-) gnuess es ond du mol echli relaxe!!!"

am obig haemmer den weder mol es bbq goh, dasmol esch es vo 2 schwizerinne (selina & jessica) ond 1 koreaner (chris) organisiert worde. adem obe han i au zom erschte mol met de selina gredet ond zo mim erstune wot sie au of cairns reise ond dass zo dere zyt wie ich!!! mer haend eus den grad korz dezu entschlosse das mer dass jo koenntet zaemme mache:-)) tja ond das mache mer jetzt au!!! jetzt semmer hoet scho mol im reisebuero gsie ond haend das ganze agluegt. mer goehnd goh en saegel trip mache ond euses boot het en jacuzzi an board:-)) esch doch voll de hammer!!! so ond morn goh i no de raescht vo mim trip nach down under goh bueche:-))

New Pictures!!!

so aendli esch es weder sowit, han weder es paar belder koenne ufelade!!!
Vell Spass bim aluege

so i have NEW PICTURES on my site. have a look on the right hand side, under MEINE GALERIE / MY PICTURES have fun!!!

Es esch vell passiert!!!

letscht woche esch raecht vell passiert, weiss gar ned wo i soell afo!!! am beschte vo i vellecht domet ah, dass sinternet ide schuel kapot gsie esch ond darom han i so lang kei itrag meh koenne schriebe oder kei mails meh beantworte. sorry!!!

also letscht woche am mittwoch ond am donnschtig ben i met de andrea ond de leona of moreton island gsie. i dere zyt semmer natuerli ide schuel absent gsie, dlehrer haend au bloed gluegt wo mer am fritig schoen brun braennt retour cho send:-))) esch au gar ned uffaehlig gsie, met de leona goh i id nomittags class ond dandrea ond i haend die glich lehrerin, aber in verschedene faecher. mini lehrerin (donna) het nor gfonde, sie koenne sech vorstelle was mer gmacht haebet, aber sie naehm jetzt mol ah i saeg krank gsie ond sie woessi vo nuet:-))) ond de nomitags lehrer het vo eus welle woesse was mer gmacht haebet, mer haend ehm den gseit das mer of moreton island gsie send. er het den gfonde: ah, super idee ond het eus grad drom beniedet:-)))

naja, eus het mer jo nor koenne beniede. moreton island esch en mega grossi sandinsel met vellne schoene straend:-) am mittwoch semmer metemene cheep quer doer die ganz insel gfahre oder besser gseit gholpperet. die haend jo deht kei terrti stross die haend nor sand strosse. esch aber loschtig gsie wen mer so doerre gschoetelt werd:-)) am nomitag semmer den no goh sandboarde, esch oeppe sgliche wie snowboarde oder schlettle, aber ebe halt im sand ond onter sonneschie;-))) wow, das esch de hammer gsie mer send abe gfletzt wie raketene:-))) ond am obe semmer den no goh delfin fuettere. nach somene astraengende tag semmer den am donnschtig nor no grelaxt am strand omeglaege:-)

ond de hammer esch gsie wo i am donnschtig obe hei cho ben, het mini homstay familie scho shalbe huus zoegelt goh! naja han eigentli gmeint sie zoegelt erscht am weekend, aber den haends halt doch scho fruehner agfange. mer send den au ned grad is huus wo sie kauft haend, dass waends naemli zerscht no renoviere. jetzt semmer imene huus vo kollege ond das esch doch echli speziell igrechtet!! wer eigentli no es schoens huus aber ebe die irechtig moesst eifach ned sie. ond mis zemmer glicht eher enere baesekammere, aber easy soescht esch dfoer alles ok.

am fritig haemmer den weder es bbq goh, well jetzt het eus au no dcorinna ond dbettina verloh:-(

so ehr zwoi hoebsche, i woensch euch en super trip met vellne erennerige ond erlaebniss:-))

Das send die harmlose waelle gsie

Spoeter send die waelle no vell schlemmer worde, het jo gern den es video gmacht aber i han beid haend brucht zom mech fescht zhebe!!! i weiss offem video gsehts ned so krass us, aber das esch au nor well i mega met gschwanket ben!!

terrible and beautiful on the same time!!!!!!

am samschtig semmer met de schuel goh wale aluege, ned ergendwie imene museum oder so, nei mer send metemene scheff ufs meer usegfahre!

han mi scho mega druf gfreut, han daenkt mer goend of es GROSSES scheff ond haltet usschau nach de wale. denkste!!!! nei es esch es mega chlises scheffli gsie, zerscht han i no daenkt jo jo das goht scho, schliesslich send die city cat faehrene au ned vell groesser gsie. aber es het mi den doch echli beunruhigt wo de eint, wo deht gschaffet het, zo eusem aktivitaete manager gseit het : "es wendet raecht stark aber well ehr so en grossi groppe send probiere mers halt emol!"

hmm... han mer no oeberleit wie meint aecht de das? naja den semmer rechitg meer gfahre ond so bald mer us de bucht use cho send ond ofs rechtige meer troffe send, han i gwoesst was er gmeint het!! laeck!!! die erscht waelle werd ich nie, aber woerkli nie meh vergaesse!!! es esch so wendig gsie ond es het so starki waelle goh!! mer send nor no deht ghocket ond haend eus ergendwie versuecht fescht zhebe!! doh haend die erschte scho en kotz tuete brucht!!!aber ich ned, naja i han sie den glich au mol brucht, defoer eschs mer nachher mega guet gange ond mer haend den au wale gseh. zerscht sends mega wit weg gsie ond den han i sie au vom hocke her beobachtet. esch en mega schoene ableck gsie aber i han mi den doch meh ofs meer konzentriert, dass mer ned weder schlaecht worde esch. es paar send of dem scheff omeggraennt wie gropfti huehner ond send mech cho nerve (gaell leona ond fabienne!) naja, schoene han i aber gfonde, dass dandrea die ganz zyt naebe mer ghocket esch ond i han schoen koenne met aluege wie wisser ond wisser sie worde esch. aber trotz ehrere oebelkeit het sie ehres kotz- saeckli nie brucht:-)) defoer het sie usgseh wie en liech ond het keis wort meh gredet. naja wen is mer gnau oeberlege semmer nor no deht ghocket ond haend keis wort meh gseit. i glaub sit i dandrea kaenne esch das serschte mol wo mer wortlos naebenand ghocket send:-)))das werd mer sehr guet in erennerig bliebe!!!

grad wo mer weder haend welle zrog fahre, esch deh hammer passiert. dwale send genau zo eusem scheff cho, das esch woerkle en mega schoene ableck gsie. den eschs mer zom gloeck besser gange ond i han doch eis, zwoi foeteli koenne mache, jippi!!!! ond nach dem super erlaebniss semmer zom gloeck wie de bletz retour gfahre. esch au guet gsie dass so schnell zrog gfahre send, schliesslech send fengs dhaelfti vo de luet an board sea-krank gsie ond haend sech nor no oebergeh! esch fengs woerkli noemme schoen gsie.

ond nach dem schrecklich, schoene erlaebniss, haemmer den no ei stond zyt goh zom goh relaxe. den haemmer au scho 17.30 goh ond es esch scho mega donkel gsie. i han natuerli die zyt gnoetzt ond ben as meer gange. nach somene herte nomitag het das so guet doh ond han es paar schoeni foeteli koenne mache:-) die folget den spoeter.

ond de sonntig haemmer (andrea,leona,fabienne und ich) den gnoetzt foer en tagesusflog of redcliff. das esch oeppe 30min vo brisbane entfernt. redcliff esch es chlieses doerfli am meer ond keis typischs tourischte ziel. das het mol guet doh, us de stadt use ond deht echli goh relaxe ond laufe. smeer esch natuerli scho ned so schoen wie z.b. noosa aber es het sech of all faell glohnt.

Blog Eintrag von Andrea ond Priska

mer setzet do grad im computer room ond wartet bis euse spezielle morge afoht. denn mer haend hoet langports tag ond den brenget all zmorge vo ehrem land met. dandrea het scho angst vo dem velle food vo de asie laender darom futtert sie jetzt naebe mer GOMMIBAERLI!!!! aber sie macht jo jede nomitag soo vell sport das sech das weder usglicht:-)))

Ende Teil 1 (vor em zmorge)

Anfang Teil 2 (nachem zmorge)

Laeck das esch en morge gsie, die haend ned zmorge met brocht sondern zmettags sache!!! naja i han zwar au nor toblerone schoggi met brocht:-))) esch halt am eifachschte gsie! super ond all haend natuerli welle dass i das probiere wo sie kochet haend. also oeppis esch jo mega scharf gsie! die wos kochet het, het scho gmeint: "nei das esch gar ned scharf!" jo nachemene halbe liter wasser han is den au noemme so scharf gfonde:-)) soescht haends eigentli no gueti sache debi goh aber eifach zvell, zvell. naja dandrea esch den spoeter au no zo minere klass cho ond het den die gliche feine, koestliche und scharfe sache doerfe probiere wie ich:-)

Aktivitaete Nomitag

gester haemmer aktivitaete nomitag goh, besser gseit deh haemmer jede mittwoch nomitag. aber sletscht mol haends nuet guets azbiete goh, also semmer ned erschene ond send de ganz tag met de city cat's goh fahre. city cat send faehrene, kasch eigentli saege de bus offem wasser. die haend naemli mega vell haltistelle ond mer send bis zor endstation gfahre oder weder zrog:-)

ond die woche het eus dschuel metteil, wen am mittwoch ned anere aktivitaet teil nehmsch den hesch en absents! naja inzwoesche send halt zemli vell ned adene aktivitaete erschene:-) ond vo dene absaentse doerfsch in einere woche ned zvell hoh. ond wells halt scho mol vor cho esch das i am donnschtig nomi oder fritig nomi frei brucht han:-), goemmer halt jetzt weder adie aktivitaete!

gester han i mi foer games entschede, ond den haemmer taiwanesisches poker gspelt:-) esch zwar gar keis poker game sondern eifach es normals kartespel, aber esch loschtig gsie. dcorinna ond i haend ehne den defoer tschau sepp bi brocht! mer haends den foer die andere echli eifacher gmacht ond so haemmers den eifach bye sepp gnaennt:-)))

Camping Weekend in Coolum

Ah zom gloeck han i so en super gastfamilie!!! Es paar vo de schuel ond i haend ned so raecht gwoesst was mer am weekend koenntet astelle, well alles wo mer planet haend het ned klappet oder esch vell ztuer cho. also han i mini gastfamilie gfrogt was mer koenntet mache ond den konnt de hammer vorschlag!!

sie het mer den verzellt das am weekend en kollegin vo ehre gebori het ond sie das natuerli moend goh fiere. ond sgeilschte adere ganze sach esch: das die kollegin am meer wohnt ond das sie goehnt goh campe am meer:-)))) ond sie het gfonde sie koenntet eus metneh!!! YEAH.....!!!!

so geil sie haend foer eus alles organisiert, schliesslech haemer jo keis zaelt kei schlofsack ond soescht all die sache wo mer so foers campe brucht. sie het eifach gmeint am fritig am 5.00 p.m. moend ehr parat sie denn fahre mer ab.

ond so esch es den au gsie, am fritig am 5.00 p.m. semmer den abgfahre rechtig coolum das esch ade sunshine cost ond oeppe 20 min vo noosa entfernt. esch cool gsie de reuben min gastfamilie vater esch scho verus gange ond het scho szaelt ufgstellt foer eus. ned nor es "open air zaelt" sondern es mega grosses zaelt ond das foer eus allei, mer send mega oeberrascht gsie wo mer das gseh haend!

im reuben sini schwoscht ond dere ehre ma ond chend ond no es kollege paerli send au scho deht gsie. den semmer gmuetlich zo dehne ghocket ond haend eis, zwoi bierli gnoh. den im spoetere obe haemmer eus den mol of de waeg gmacht zom goh luege was so los esch in coolum. es het scho eis zwoi bars ond so goh, aber wo mer so doerr dstrosse glofe send ond emmer smeer rusche ghoert haend. haemmer gfonde mer moend zerscht das goh aluege:-)

es hettis ned besser koenne breiche, swonder schoene meer ond de voll mond, wow das esch schoen gsie. het natuerli ganz vell foeteli geh, so bald i zyt han stell i die den id gallerie. mer haends so loschtig goh ond send so lut gsie, dass mer grad no en zuschauer azoge haend:-)) nachdem mer met ehm es fotoshoting gmacht haend het er gfonde mer soellet id soil bar cho. gesagt getan ond mer send metemene deftige ittretspries id soil bar! defoer het "shapeshifter" gspelt das esch en raecht agsagti band vo neuseeland. es het sech woerkli glohnt das mer deht inne send:-)) das esch en geniale obe gsie!!

am samstig haemmer oder besser gseit i nuet anders gmacht ausser am strand pennet:-) man esch das schoen gsie eifach relaxe ond i ben ned emol rot worde! defoer hets dandrea breicht met em sonne brand. aber es goht ehre scho weder besser!
am obe semmer den no fein goh znacht aesse, met restaurant ond allem drom ond dra. das ben i mer scho gar noemme gwoehnt, well soescht goemmer nor id take aways stores. mini gasteltere send den zom znacht iglade gsie ond haend gfonde mer soellet spoeter no zo ehne cho. haemmer den au gmacht! esch mega fredlech gsie, mer send doesse ghoecklet ond haend weder mol eis, zwoi gnoh ond haends mega loschtig goh. spoeter semmer den all innen club ond haend deht no witer gfaeschtet:-))

ond am sonntig haemmer gfonde wen mer jo so noech vo noosa send moemmer das natuerli au noh goh aluege, schliesslech haend alli verzellt dass das eine vo de schoenschte straend vo australie saeg. ond jep dem kan i nor zue stemme, du kasch deht kilometer wit am strand entlang laufe. ond du hesch so en schoene bleck ofs meer ond au sdoerfli esch mega gedege. de usflog het sech of all faell glohnt. ond den esch es au scho weder sowit gsie das mer weder rechtig hei send:-(

oebrigens, bi eus eschs jetzt emmer so om die 30-32 grad ome ond dass esch erscht afangs fruehlig!!!

Fotos ond Zoo Besuche

so has aendli gschafft es paar belder ufezlade!! ehr koennt goh luege of de raechte site: unter mim profil unter LINKS ond den MEINE GALERIE. danke no judith & adi das i so lang euches internet han koenne noetze!:-)

so esch scho es zytli her sit mim letschte itrag, ben ebe in letschter zyt zemli busy:-)))esch halt scho astraengend vom morge am 9.00 a.m. bis am nomi am 3.30 p.m.id schuel zgoh! ond den send au emmer no die aktivitaete ond den muesch emmer so sache goh aluege,ehr woesset gar ned wie astraengend das esch:-)))

nei seich in letschter zyt esch zemli vell passiert.de pius en ex- langports student het am letschte fritig sin letschte goh ond den haemmer natuerli es barbecue gmacht. hmm... muess saege esch no es interessantes ikaufe gsie.besser gseit jede het oeppis anders welle als die andere ond es esch zemli lang gange! naja defoer haemmer den en super obe goh:-)))

hey pius, i woensch der en gueti reis, vell spass ond super erennerige vo dim trip. liebi gruess vo de anderne. ond en guete tipp vo mer: frog niemert meh oeb er en" rohi worscht wot....":-)!!!

inzwoesche ben i scho im lone pine koala sanctuary gsie, dass esch doh ganz ide noechi vo brisbane (Brizzie seit mer doh!) kasch koalas goh aluege ond kaengurus goh streichle, es het soescht no es paar tier aber es esch zemli chlie. well am samstig semmer im australia zoo gsie, das esch de vom steven irwin alias corcodile hunter. de esch natuerli vell groesser ond het au meh tier. allerdings kan mer ehn ned metemene zoo ide schwiz vergliche. eusi zoos haend vell meh tier aber defoer esch im australian zoo emmer oebber bi de tier ond spellt met ehne oder so, also esch emmer action.

oebrigens danke vell mol maria foers schwizer sackmaesser, mer send das fliessig am bruche. esch no praktisch emmer wen mer euses zmettag im supermarkt kauft haend, striche mer met dem eusi broetli:-)) halt so rechtig schwizerisch! han mi riesig gfreut wo i min rocksack uspackt han ond das gfonde han:-)))oebrigens mini studaente vo asie haend emmer freud wen sie dbelder offem sackmaesser koennd aluege:-))

letscht woche han i no en sister goh vo brasilie, allerdings esch sie scho weder uszoge. sie het eigentli en monet ide gastfamilie welle bliebe ond den ine studaente verbindig. sie het den aber scho am erschte tag en andere studaent kaenneglernt, wo no oepper gsuecht het foer sini wg. ond jetzt esch si am sonntig bi eus uszoge ond wohnt jetzt idere wg.tja, jetzt ben i weder es einzelkind:-)) defoer doemmer in 2woche innes anders hus zoegle ond das het sogar en pool:-)))ben jo scho gspannt!

Usflog ad Cold Coast

Wow, gester ben i met de schuel ade cold coast gsie besser gseit in surfers paradies. es esch so de hammer gsie! de usbleck ofs meer of das wonder schoene blaue meer ond de wiss sand strand, dass esch so schoen gsie!
Zerscht semmer en chline hoger ufe glofe das mer haend koenne foeteli mache ond den haemmer es barbecue goh ond nachher semmer den an strand.

esch toll wen du innere groppe vo 20 luet besch ond 5 send schwizer ond de raescht send asiate. mer haend es groppe foeteli gmacht ond all haend ehri kamera geh(i han mini ned geh!)weisch wie lang muesch du deht stoh bis met allne kameras es foeteli gmacht worde esch! ond nachher haends no einzelni groppe belder welle! jo mer send raecht lang of dem hoger blobbe:-)

swasser esch eigentli scho no raecht kalt gsie aber wenn mol denne gsie besch den eschs ok. super i ben met de andrea is wasser ond den semmer use glofe rechtig meer ond eus send mega waelle entgaege cho. so geil dandrea esch oebe 5-8meter for mer gsie ond of einisch schreit sie uf: "ihhh, do esch oeppis grosses im wasser!!!"sie esch natuerli grad weder zrog zo mer cho ond zo mim erstune send au all die andere luet zrog cho. ond of einisch esch sogar en heli uf kruetzt ond esch mega noech oeber eus ine gfloge ond esch den emmer hie ond her gfloge. also ergend oeppis esch woerkli ome gsie aentweder en delfin oder evtl. en hai!! naja nachher esch den nuet meh ome gsie ond mer send nochli im wasser blobbe. das esch mega cool gsie!!!:-)))

nachher semmer nochli goh shoppe ade promenade, het natuerli ganz vell billabong, roxy ond all die shopps goh. ond den semmer weder zrog nach brisbane. ond am obe semmer den nochli in usgang, esch no cool wen die gmerket das du ned vo doh besch, koemmet all zo der ond waend woesse wo her du besch ond wies deht so esch. das esch no cool, so lernsch emmer neui luet kaenne ond i bruch mis portmonaie ned oft:-) das esch woerkli en coole tag gsie!

hoet semmer nochli an river gange echli goh relaxe ond goh plane was mer in naechschter zyt so waend mache.
ah oebrigens i han idere woche scho mini erscht spider gseh, allerdings en ganz chlini ond die esch no easy gsie. aber die gekos!!! die send in allne hueser ond send mega schnell ond vorallem flenk! zom gloeck han i mini maeggi (de hond vo de gastfamilie) jedesmol wen i en geko gseh den ruef i de maeggi, zeig ehre wo de geko esch ond sie macht de raescht:-)))ond i han scho min erschte riese fette australie-kaefer killed!!! :-)))

Mini Homeworks

So i han scho zom erschte mol mini Homework vergaesse!!!:-) Aber i hans weder mol super gmeischtert ond mini Lehrerin heds gar ned gmerkt!! Nach sonere super leischtig han i das natuerli gard muesse fiere ond ben am obe met de judith in usgang:-)
Mis gloeck esch no gsie das mer am spote obe den no de zug verpasst haend ond well mer den 1 std haend muesse warte hand i gfonde : hmm...mache mer doch mini homework!! danke no vell mol judith:-))
gester haemmer erfahre das naechscht woche raecht vell neui studaente afoend onder anderem foend 20 neui schwizer ah!!! mol luege oeb das guet chonnd:-)

Mini gastfamilie esch raecht easy. es esch es jongs paerli sie send ned verhuerotet ond haend en chline hond. de esch mega cool ond folgt au mega guet. esch mega herzig mini gastfamilie wartet am obe emmer of mech ond wen i dhei ben foends ah koche:-))

gester han i mini erscht aktivitiy vo de schuel us goh. esch no easy am morge hesch schuel ond am nomi machsch den ergend oeppis, du kasch goh velo fahre am river, du kasch ines pub goh billiard spele, is museum goh, vortraeg mache/ alose ond no velles meh! am samstig haends au emmer aktivitys, die koschtet allerdings emmer oeppis. aber defoer masch den tages toure. foer de samschtig han mi jetzt agmolde das i ad gold coast goh, yeahh.... serschte mol am strand ond zwar ah eim vo de schoenschte:-))

so muess jetzt id class goh luege oeb mini homework stemmt:-)))
sobald i kan lad i den es paar foeteli of mini page allerdings kan das no es paar taegli goh also moend ehr euch nochli gedolde!!
bis den.........

Welcom Australia

So am Samstig Obe am 20.30 ben i bi minere Gastfamile acho. Ond den!!! Eschs los gange met speaking english!!!! Sie haend scho gmeint "you speak very good english" doch i glaub sie haend mech au met de asien luet vergleche:-)))

Sfluege esch no raecht deftig gsie! bim erschte flog han i 6 felme am stoeck gluegt, esch jo no tag gsie ond penne han i eh ned koenne. ond nach 3 1/2 std warte am floghafe vo singapore, han i den im zwoite flog koenne penne. allerdings au nor so lang bis flight attendend mech esch cho wecke, dass es aesse geht. toll ond fertig eschs gsie met penne!! also han i halt weder Felme gluegt.

hoet han i zom erschte mol schuel goh! es het mega vell luet vo japan ond korea, ond im ganze schuelhus hets nor ca.10 schwizer!! de ganz morge ben i beschaeftigt gsie met test schriebe ond am nomi han i zom erschte mol schuel goh. esch no easy gsie, mol luege wie de zwoit schuel tag werd. see ya later!!!

Abreis ond Gschaenkli

So glie eschs sowit, am Fritig am 7.Sept.07 am 13.15 flüg

i ab!!!

Vo Zöri gohts met de Singapore Airlines rechtig Singapore, deht gehts en korzi Zwöschelandig met Flugzeugwächsel ond den kans witer goh rechtig Brisbane. Wen alles klappet het (wot i jo hoffe!), denn ben i am 8. Sept am 19.25 in Brisbane!! Ond vo deht gohts witer zo minere Gastfamilie.

Inzwösche han i mis Schotzängeli becho, s'Heiwehbuech han i au scho ond mini schön Autonommer han i abgeh. Jetzt muess i nor no packe ond den kans au scho los goh!

Herzliche Dank no an Tiri, Steime,Mäsi, Chnoebi ond Mele han mi riesig gfreut!!!!;-))))

Eidg. Schwingfäscht 2007

Badefahrt 2007

Yeah... fertig met schaffe!

So am Samstig esch es ändli sowit gsie, i han min letschte Arbetstag goh! Yeah.....!!!!!! I vermess zwar mini Lüt vo Oftrige scho jetzt, aber deför gohts jetzt nömme lang bis mini Reis afoht;-)

Gnau gnoh gohts jetzt nor no 2 1/2 Woche ond den ben i onterwägs nach Australie;-) Zom die Wartezyt zverkörze eschs grad guet, dass bi eus näbedra eis vo de wohl ufwändigschte ond gröschte Volksfäscht vo de Dütsch Schwiz statt fendet!!;-) Besser gseit es het 105 Fäschtbeize ond rond 40 offizieli Beize ond de gröscht Teil esch met kline Bühne usgstattet. Hmm...., i glaub das langet zom mer mini Wartezyt zverkörze;-))))

Ben mol es fliessigs gsie:-)

So de Abflug Termin röckt emmer nöchher ond mer chonnt emmer no meh d'Senn wo i no muess erledige!!!
Aber i han scho rächt vell erledigt:
- Allgemein han i Versecherige abgschlosse ond met de Krankekasse han i au alles klärt
- Ben mi goh Impfe loh han den au grad no mini Bluetgroppe usfendig gmacht
- Han mini Abos köndet
- Han mer klineri Sache förs Reise ond Flüge kauft
- Han abklärt was i idere Zyt met mim Wunderschöne Opel Astra Sport 2.0L Novaschwarz werd mache;-)
- Ah jo fascht vergässe,han natürli no köndet in Oftringe;-)

Jetzt muess i nor no es paar Sache erledige ond den han i au scho alles. So kan i mi jetzt no voll ofs fäschte konzentriere, schliesslech hämmer jetzt den no Badefahrt ond den chonnt au no s'Schwengfäscht;-))

Yeah... ich mach min Trip nach Down Under!

Sit em 26. Juli esch es Offiziel, i goh definitiv of Australie!! Jippi!!!
Ond am 7. Sept. startet mini Reis au scho ond am 8. Jan esch sie den au scho weder beändet!

Die erschte 2 Mönet werd i in Brisbane verbrenge ond goh deht au id Englisch- Schuel. Esch grad no guet das d'Judith in Brisbane wohnt, den werde mer secher es paar mol om d'Hüser zieh;-)

Im 3 Monet werd i wahrschindlech rechtig Norde reise oder eifach nor Fulänze am Strand;-))

Im letschte Monet chonnt mi d'Regi no cho bsueche ond den werde mer zämme quer dör Australie reise. Planet hämmer scho das mer de Uluru werdet goh besechtige, d'Stefi goh bsueche ond Sylväschter in Sydney fiere;-)) Mol luege öb mer das Programm wörkli so könd dörre zieh!!!